ملحوظة: التدوينة بالعامية المصرية
التعلم الذاتي من البيت بقى طفرة في الوقت اللي إحنا فيه، لكن نظراً إن أغلب المواقع التعليمية دي بتبقى باللغة الإنكليزية. فكان فيه مبادرات عربية ظهرت عشان تنشر الموضوع دا لغير الناطقين باللغة الإنكليزية؛ إما بعمل دورات من صنعهم الخاص، أو من خلال ترجمة الدورات الأجنبية على المنصّات الأجنبية.
فلو إنتِ من اللي بيعانوا مشكلة في فهم الدورات اللي باللغة الإنكليزية، فما زالت الفرصة مُتاحة ليكِ إنك تستكملي وتبدئي تعلّمك الذاتي.
ولكن دا طبعاً لا يعفيكِ من ضرورة تعلّم اللغة الإنكليزية؛ لأنها اللغة الأكثر انتشاراً واستخداماً على مستوى العالم.
كمان التعليم الذاتي له عدّة فوايد إنتِ مش في غِنى عنها، والأهم إن أي حد يقدر يتعلم من خلال الطرق دي..
وإنتِ الهانم الكبيرة هنا ..مش أقل من أي حد خالص!
نبدأ؟
نبدأ..
بس هوب هوب لحظة.. قبل ما نبدأ لازم أولاً تعرفي شغفك واهتمامك إيه! حددّي ايه اللي يهمك قبل ما تشرعي في التعلّم..
1- رواق
الموقع دا بيقدّم مساقات (كورسات) كتيرة في مجال كتير. له نفس النظام ونسق المواقع التعليم الأجنبية . بيقدّم لك الكورس في توقيت بداية وانتهاء معين وكذلك فيه تدريبات ومجتمع تفاعلي.
رواق واحد من أكبر مواقع التعليم الإلكتروني العربية. قايم عليه مجموعة من الأساتذة والخبراء المحترفين فعلاً.
والألطف إنه باللغة العربية زي ما قلنا، يعني مفيش حجج هنا .. وحاجة لطيفة كمان إنك ممكن تاخدي شهادة باسمك.
2- إدراك
من أفضل المواقع العربية التعليمية، واللي دشّن الويب سايت دا هو الملكة رانيا زوجة العاهل الأردني. والموقع دا فيه اتفاقية بينه وبين موقع edx (واحد من أكبر وأقوى مواقع التعليم الإلكتروني على مستوى العالم) على ترجمة محتواه الأجنبي وعرضه على منصّة إدراك.بيقدّم كورسات مترجمة من أكبر المعاهد والجامعات التعليمية الكبرى زي هارفارد وماشستوس وبيقدّم شهادات إتمام في بعض منها.
هي منصة بتعتمد على المحتوى والمنهج المُبسّط والسهل وكذلك الأساليب الممتعة في توصيل المعلومة.
بتغطي كذا مجال بصورة مُبسّطة في الفلسفة والفيزيا والكيميا والرياضة وريادة الأعمال والأحياء والاجتماع وغيره..وكذلك بتغطّي جزء كبير من المناهج التعليمية للطلبة سواء في إعدادي أو ثانوي.
أول مبادرة تعليمية غير ربحية كانت بتعتمد على فكرة تقديم محتوى تعليمي مجاني للناس.
ودا من خلال غرفة صوتية كدا بيقوم فيها المعلّم بالشرح والناس بتتفاعل معاه. وبعدين بتقوم برفع المحتويات دي كلها على قناة اليوتيوب وعلى الويب سايت بتاعها.
موقع بيقدّم دروس (مكتوبة) ومقالات عن مجالات زي الريادة والبرمجة والتصميم والتسويق والكتابة والعمل الحر وأشياء أخرى.
الموقع في أغلبه بيعتمد على المحتوى المُترجم، وكذلك فيه option إن العضو يسأل أسئلة والناس تجيب عليها.
دا موقع بيقدم دورات مترجمة من جامعات كبرى زي هارفارد وMIT و yale وكتير .
وبتوفّر فيديوهات وكتب للمنهج وفرصة حل اسئلة على الدورات دي وكماليات للدروس الموضوعة.
وها نحن ذا!
افتكري إنك أد إيه محتاجة تشتغلي وتطوّري من نفسك..بدون تكلفة نهائي أهه ومن بيتك.. سواء كنتِ طالبة أو أم أو زوجة أو موظّفة.
– تم نشر هذه التدوينة في موقع الهانم
ملحوظة:
التدوينات المنشورة في مدونات هاف بوست لا تعبر عن وجهة نظر فريق تحرير الموقع.
