قال الرئيس المصري، عبدالفتاح السيسي، السبت 25 مايو/أيار 2024، إن مصر شهدت زيادة في عدد السكان قوامها 25 مليون نسمة منذ عام 2011 إلى الآن، مشيراً إلى أن نقص المياه أزمة محتملة، ولا بد من مواجهتها كما تحدث عن انقطاع الكهرباء، وأنه إن لم يتم قطعها سيرتفع ثمنها مرتين أو ثلاث مرات.
وخلال كلمته بافتتاح مشروعات توشكى بالوادي الجديد، أكد السيسي أن الدولة المصرية تولي اهتماماً كبيراً بالمشروعات القومية لاستصلاح الأراضي والإنتاج الزراعي، وتوفير المخصصات المائية لها، خاصةً في منطقة توشكى بجنوب الوادي.
وذكر السيسي: "إحنا من 2011 لحد دلوقتي زدنا 25 مليون نسمة"، متسائلاً: "هل الإنتاج الزراعي زاد ما يساوي الزيادة السكانية بـ25 مليون؟"
ولتقليل الاستيراد، تحدث السيسي عن خلط القمح بالذرة، وقال "أتوقف عند تجربة خلط القمح بالذرة، الناس بتقول ذرة إيه؟، إحنا بنقول حاجة معقولة ما تغيرش كتير في الطعم والمواصفات ولا الشكل، وفي النهاية أنت بتتكلم عن نسبة 20% من الذرة (تُضاف للقمح)، يعني النهاردة إحنا بنستهلك 17 مليون طن من القمح".
وتابع السيسي:" لو استخدمنا تلك الكمية من الذرة فيعني 20% من إنتاج القمح يعني 2 مليون طن، لأن إنتاجنا من القمح لن يغطي احتياجاتنا، لكن الذرة يمكن أن يغطي جزءاً كبديل للقمح".
السيسي أكد: "آه هعمل دا، 2 مليون طن قمح يعني 600 مليون دولار، لأن تكلفته هتقل وهتوفر عليّ مثلاً ما بين 400 -600 مليون دولار التي نستورد بها تلك الكمية من القمح".
اقرأ أيضاً
رغيف العيش
كما تساءل الرئيس المصري: "حد عارف رغيف العيش بيتكلف كام دلوقتي؟ أنا أقول لكم: جنيه وربع، أصل فيه ناس ما بتحبش تتكلم.. ليه ما بتتكلمش؟ ليه ما بتقولش؟، لا هو عيب ولا حرام، الرغيف أبو شلن دا (5 قروش)، بعد ما كانت الدولة بتحط 20- 30 مليار جنيه (424- 636 مليون دولار) بقت بتحط 130 مليار جنيه (2.758 مليار دولار) دعماً للخبز، الرغيف أبو 5 قروش بيكلفني 130 مليار جنيه دعماً".
واستكمل: "ولما تكون عندي فرصة إني أزود ذرة بنسبة 20% في إنتاج الخبز أنا موافق، وأنت اليوم بتحاول تساعد من غير ما تمس الغلبان أو تأذيه، ولو الرغيف بقى بـ3 جنيهات أو 4 مش كل الناس تقدر تشتريه".
وعلى إثر ذلك، طالب الرئيس المصري وزراء المالية والكهرباء والتموين في الحكومة بأن "يقولوا الحكاية للناس"، حسب قوله.
اقرأ أيضاً
أزمة الكهرباء
وأوضح السيسي: "أنا لو أخدت ثمن الكهرباء الحقيقية سأضاعف ثمنها مرتين، طيب الغلبان هيروح مني فين؟، أقطع الكهرباء ولا أغليها؟، وأغليها أد إيه؟، اللي بيدفع جنيه هيدفع جنيهين أو ثلاثة لو أخذت الكهرباء بتكلفتها حالياً، لو المواطن بيدفع 100 جنيه شهرياً هأخد منه 300 جنيه شهرياً بتكلفتها حالياً"، وأردف: "طب إحنا بنعمل كده؟، لأ.. أنا أتحمل المسؤولية أمام الله قدامكم، ولو مش عاوز أقطع الكهرباء خالص لازم أخلي ثمنها مثل ثمنها الحالي مرتين أو ثلاثة".
وقال الرئيس المصري: "أنا بأعيب على المعنيين حتى في التقارير الصحفية والمقالات التي تُكتب، محدش بيتناول المسألة بشكل موضوعي خالص يا جماعة، يا إما أنتم مش عارفين أو إحنا بنخبي عليكم، وأنا بأكلمكم بمنتهى الصراحة، الدول لا تُدار كده، الدول تدار بالجدية والمسؤولية والفهم، ولو الناس فهمت هيجوا معاك".
وأضاف: "والبديل أهو: ممكن الكهرباء تشتغل 24 ساعة طبعاً، المحطات موجودة ونستطيع، لكن النهارده عشان يتم توفير الوقود ليها لازم وزير الكهرباء يدفع فاتورته، فهيجيب منين؟، فيضطر إن الأمور تمشي كده، حسب حجم الوقود الذي يصل له وقدر الدعم الذي يصل له، وإحنا ممكن نشغلها 24 ساعة و48 ساعة، بس بكام؟".