بعد تعرضها لحملة من السخرية على مواقع التواصل الاجتماعي، نشرت الإعلامية المصرية بسمة وهبة مقطع فيديو مصوراً أوضحت به سبب بكائها خلال استضافتها للمغني المصري محمد فؤاد.
اقرأ أيضاً
بسمة وهبة: سبب بكائي هو أولادي المسافرون
وأكدت الإعلامية المصرية في الفيديو الذي نشرته على حسابها الرسمي على "إنستغرام"، أنّ سبب بكائها هو أغنية "طمني عليك" التي غناها محمد فؤاد في الحلقة، مضيفة أن كلمات الأغنية لمست جرحاً داخلها، وهو ابتعاد أبنائها عنها، حتى إنها دائماً ما تُقبّل صورهم، تماماً كما تقول كلمات الأغنية.
وقالت: "مش مسامحاك يا محمد يا فؤاد، ولا مسامحة كل واحد تآمر معاك عارف نقطة ضعفي".
وأضافت: "أنا عايزة أقول للسادة المشاهدين إن أغنية ممكن تكسر البني آدم، وتدخله في حزن شديد، زمان لما كنت أسمع الأغنية مكنتش أحس بالضعف دا، ولا بالحزن دا، ولا بكسرة القلب دي، لكن أنا كبرت بالسن، أنا بعترف أنني كبرت، وكل ما بكبر أكتر كل ما مشاعري بتضعف".
وتابعت: "أنا بحب أولادي، وبيوحشوني، وعايشة من غيرهم، ودايماً بحلم إني أشوفهم، وببقى سعيدة لما بشوفهم، بس محمد بجد مش مسامحاك، لأنك جيت على الحتة دي وخليت دموعي تنزل".
وعن مقطع الأغنية الذي يقول فيه فؤاد "وبروح على صورتك اخدها فحضني وأنا" قالت بسمة وهبة: "الكوبليه ده فعلاً أنا لما بيوحشوني أولادي أنا بروح على صورهم وبشوفها علشان تصبرني، وأنا أولادي مش عايشين معايا من صغرهم، كل واحد عايش في بلد، وبيوحشوني أكتر من الأول، وبشتاق لهم أكتر من الأول، ونفسي أعيش معاهم أكتر من الأول".
وأضافت: "أنا مش مسامحة محمد ولا أي حد في البرنامج ساعد محمد، وأنا لولا بحترم المحطة دي كنت سبتها بسبب اللي عملتوه فيّا، وكان مفروض أنا مكملش الحلقة بس احتراماً للمحطة كملت".
وكان فيديو بكاء بسمة وهبة خلال برنامج "العرافة" قد تصدر التريند على مواقع التواصل الاجتماعي، إذ كانت تعليقات أغلب المتابعين سلبية.